www.wkee7eliraq.ace.st
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

www.wkee7eliraq.ace.st

موبايلات..نغمات عراقية.. ثيمات عراقية.. فن...سياحة...غرائب...تسلية...حوارات
 
البوابةالرئيسيةأحدث الصورالتسجيلدخول

 

 قصيدة للمنتخب العراقي

اذهب الى الأسفل 
2 مشترك
كاتب الموضوعرسالة
حبيبة بغداد
المديرة العامة للمنتديات
المديرة العامة للمنتديات
حبيبة بغداد


انثى
عدد الرسائل : 1932
البلد : العراق بنص قلبي
العمل : طالبة
مزاجك : رااايق
sms : احبكم كلش وياريت نشاطك وياية بالمنتدى لان ايد وحدة متصفك
تاريخ التسجيل : 30/06/2007

قصيدة للمنتخب العراقي Empty
مُساهمةموضوع: قصيدة للمنتخب العراقي   قصيدة للمنتخب العراقي Icon_minitimeالسبت 18 أغسطس 2007, 3:17 pm

عمي خلف الله عليكم سباع يهل الغيرة
وعمي خلف الله عليك فييرا

عمي خلف الله على نور العظيم
صدله طوبه گلت صبت باللحيم
غير ربك لطف بشعبة الكريم
چان شهرونه الجماعة شهيرة
وعمي خلف الله عليك فييرا
شفتو باللحظة الاخيرة..شلون چا صارت هدف
انا ابوي الحجي عنده..جلطة من يمه رجف
چان موتو العراق ..ونصها راحت للنجف
وچان عدنا الحجي طفة وهبط عنده امبيرة
وعمي خلف الله عليك فييرا

وين هذا الگال افوزن ...انا وي صحباني
گال اسجل عشرة يمكن ...واحد على الثاني
والله ذبحونه الجماعة بياسر الگحطاني
يالله وينك ما تسجل ..طلع بوخة شيرة
وعمي خلف الله عليك فييرا

شفتو جاسم من اجه لياسر گبل
هيچ لاحة شويه شو هذا انجطل
باگ كلش هوا منه ..يعني ياسر هم عطل
رجعاه يلعب مدافع ..لأن چفه ديرة
عمي خلف الله عليك فييرا

باسم رحيمة ويا حيدر ..ذوله ابطال الدفاع
خط دفاع الموت ذوله... الترتجف منه الگاع
يا شجاع الگابلاهم ..ينهزم هذا الشجاع
اللغز ذوله المحير.من صعب تفسيره
عمي خلف الله عليك فييرا


طول ويا كرار بيهم..طول يابو الموزمة
حيل رگصهم ترگص ..وانت ابن حامي الحمة
فرحت كل العراق ..الارض فرحت والسما
لأن شعب الغيرة احنا ..ومن صعب تغييرة
عمي خلف الله عليك فييرا

قصي وي هوار يركض..وابد ما لحظة تعب
هذا عباس ويا هيثم ..صالح البيهم لعب
ويونس بكلته العجيبة ..الفرحت كل الشعب
نسى كل هموم كلها..ونسى كل تفجيرة
وعمي خلف الله عليك فييرا
الناس يوم اللعبة گعدت ..بال12 يمكن ظبط
نست هم الغاز كله ..والتفخخ والنفط
ولو اول شوط متنا.وصعد عدنا احنا الضغط
المهم جتكم عقود وصعدت التس***ة
عمي خلف الله عليك فييرا

رغم تفجير وتفخخ ..والبلد ما بيه امان
بكل مكان الناس رگصت ..ورگصو حتى المكان
وانا اتحدى مواطن ..ماشرب تحت اللسان
هيچ من طگها يونس براسه چن تفجيرة
عمي خلف الله عليك فييرا

ومن ركض مهدي كريم ...وغط عليهم چنه ذيب
شفت بس دريس يركض ..چنه هذا البيب بيب
واحنا هم نركض وراهم.. ننخى وينك يا مجيب
فرجنّا على العراق ..وفرح الديرة
عمي خلف اللعه علي فييرا

خو نشأت رگصاهم ..هيچ عالوحدة وربع
گام هيچ يخوط بيهم..داخو گباله الربع
والله لو عدنا امان..ومستقر عدنا الوضع
چان خلينا العراقي ..بالنجم تس***ه
والله خلف الله عليك فييرا

انتو شفتو فييرا لمن..خلصت اللعبة بچى
بقى صافن عالفريق..وكلمه وحده ما حچى
زلمة طاح البخت عنده ...والبخت وياه بچى
گال دوخني العراق..شلون شايل غيرة
عمي خلف الله عليك فييرا

الزلم مو لعبة لعبو ...چنها ساحة معركة
اي فريق اليجي يلعب..عالسريع نچكچكة
استرالي ويا كوري ..وي فريق المملكه
وياهو انكظة نغسله يحظر التأشيرة
عمي خلف اله عليك فييرا
قصيدة للمنتخب العراقي(عمي خلف الله عليك فييرا) للشاعر رياض الوادي

منقوول
الرجوع الى أعلى الصفحة اذهب الى الأسفل
https://wkee7eliraq.ahlamontada.com
مهند
وكيح الوكح



ذكر
عدد الرسائل : 293
العمر : 34
sms : My SMS
$post[field5]
تاريخ التسجيل : 03/07/2007

قصيدة للمنتخب العراقي Empty
مُساهمةموضوع: رد: قصيدة للمنتخب العراقي   قصيدة للمنتخب العراقي Icon_minitimeالإثنين 03 سبتمبر 2007, 11:56 am

صح لسانك رياض على القصيدة

و عشات ايدج حبيبة
الرجوع الى أعلى الصفحة اذهب الى الأسفل
 
قصيدة للمنتخب العراقي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.wkee7eliraq.ace.st :: الاقسام الادبية :: وكاحة الشعر وهمس القوافي-
انتقل الى: