كلبي تعبني اضطرابة

گلبي تعبني اضطرابه***اليوم اريد اعرف اشصابه
قررت اتعنه اشوفه**** اوياجرح يوصل البابه
صادفت جرحي الجديد** الينزف اوبعده ابشبابه
گتله هم توصل الگلبي** گال اذبك على اعتابه
تنزل اومناك تگدر *** توصل الساحة عذابه

ابلحظه ماحسيت دربي*** ذبني جرحي اباب گلبي

اوماقبل ياخذ اتعابه
اوبين وحشه اوبين دهشه*** جني واگف وسط غابه
غابه شبت بيهه نار**** اومنهه يتصاعد شرار
اوثاني اوكسيد الكآبه

هذا شارع وسط گلبي *** يحمل اسم المتنبي
محترگ هوه اوكتابه
اوبالدرب جثة ابنيه***هاي بالمستنصريه
ميته بس جنهه لعابه
راسهه فارگ جسدهه**** اومارضه ايفارگ حجابه

اوشفت مجموعة صور*** تاركه ابكلبي اثر
طفل دايسته همر**** جسر طايح بالنهر
مرقد امهدمه اقبابه*** اوطير مذبوح ابرحابه

اوشفت صورةشاعر اسمر*** يسمونه ابو حيدر
طيب اوصاحب دعابه
اويمهه صوره الأ بنه حيدر*** ايصيح لاتتركني يابه

لاكن الصوره الاخيره*** سببتلي اهواي حيره
صوره بيهه الوطن يبجي*** اوعاري مالابس اثيابه
اتقربت عالصوره اكثر
باوعت جندي امريكي*** يغتسل غسل الجنابه؟

صبرت گلبي اوعذرته** على اسباب اضطرابه

الله الله الله ... يا سلام

مليانا مشاعر
شكرا على هذه القصيدة الروعة
وننتظر المزيد منك انشالله
تحياتي

الف شكر لقصيدتج الرائعة
ونورتي القسم بطلتج