www.wkee7eliraq.ace.st
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

www.wkee7eliraq.ace.st

موبايلات..نغمات عراقية.. ثيمات عراقية.. فن...سياحة...غرائب...تسلية...حوارات
 
البوابةالرئيسيةأحدث الصورالتسجيلدخول

 

 مطبك الدجاج العراقي

اذهب الى الأسفل 
كاتب الموضوعرسالة
حبيبة بغداد
المديرة العامة للمنتديات
المديرة العامة للمنتديات
حبيبة بغداد


انثى
عدد الرسائل : 1932
البلد : العراق بنص قلبي
العمل : طالبة
مزاجك : رااايق
sms : احبكم كلش وياريت نشاطك وياية بالمنتدى لان ايد وحدة متصفك
تاريخ التسجيل : 30/06/2007

مطبك الدجاج العراقي Empty
مُساهمةموضوع: مطبك الدجاج العراقي   مطبك الدجاج العراقي Icon_minitimeالخميس 16 أغسطس 2007, 9:49 pm

هلاو اليوم جبتلكم اكل
وان شاء الله يعجبكم

============================
طبخ الدجاج اول (( تجهزه )) قبل التطبيك
============================

نجيب اول شئ الدجاج طبعا لازم يكون مقطع والنسبة هي كل دجاجة نسويها 6 قطع
نكمش هاي القطع ونغسلها بالمي ثم نحطلها مي عادي من الحنفية ونبقيها بالجدر لمدة ربع ساعة قبل الطبخ تبقى بالمية حتى تتنكع و بالطبخ اسرع واسهل، بعد الربع ساعة اندير المي ونحط مي جديد بالجدر وعلى النار حتى نسلك الدجاج


ورا عشر دقايق تشيلون الزفر الي راح يظهر بالمي مال الدجاج ويكون شكلة مثل الوغفة هذا تشيلوه بالخاشوكة وذبوه لانه لمن يصير وية الاكل يصير زفر و مطيب

المهم خلا 40 دقيقة يستوي الدجاج ويكون جاهز


=================================
اثناء عملية طبخ الدجاج تحضير البتيتة
=================================

نجيب اربع بتيتايات ونكشرهن و نقطعهن مربعات وغسلهن وراها نجيب الطاوة وزيت حار كمية كبيرة من الزيت ونكلي البتيتة بحيث نسويها شقرة او محمرة وبعدين نجمعها للبتية المكلاية بجدر صغيرة ونخليلها ملح وبهارات (( فلفل اسود - كاري - دارسين - نومي بصرة )) الكمية من كل نوع هي خاشوكة جاي


========================
التمن - طريقة التحضير
========================

نجيب تمن كمية اربع كلاصات تمن ونخليها بنجانة وندير عليها مي عادي من الحنفية علمود انكع التمن ومدة التنكيع لازم تكون حوالي نص ساعة لا تقل عن نص ساعة اثناء هاي النص ساعة نغسل التمن علمود يروح النشا من عند التمن ولازم يبقى التمن مغمور بالماء نص ساعة

لازم هسة نحضر جدر على الناء وبيه مي تملون نص الجدر مي و تخلوه على النار وتذبولة خاشوكتين اكل ملح وفد اربع هيلات (( حب هيل )) وتخلوه على النار لحد ما يفور المي وراها تجيبون التمن وتكبون المي مالته واديروه بالسنك مال المطبخ وراها تجيبون بس التمن واديروه بالمي الفاير وتبقون تخطوه بالجفجير



++++++++++++++++++++++++
اثناء طبخ التمن - عملية ترتيب الدجاج
++++++++++++++++++++++++

نجيب الدجاج المطبوخ ونفلسة بالماعون ونذب العظام للبزونة (( لتخلون البزونة تاكل بس العتوي ) لانه احنا نكره كل شئ مؤنث على عناد البنات ... المهم تفلسون الدجاج وتخلون اللحم مال الدجاج المفلس وية جدر البتيتة وشوية ملح مو هواية وتخبطوهم .. بس لتنسون التمن على النار اكثر من خمس دقايق لانه يعجن


لحد ما تشوفون الحباية مال التمن صارت شبه مستوية اطلعون التمن و اصفوه بالمصفي مال التمن وراها تغسلون الجدر وتخلوه على النار لحد ما ينشف من المي وتخلون شوية زيت بالجعبية مال الجدر وراها اديرون شوية من التمن يعني طبقة صغيرة من التمن بالجدر ثم تجيبون البتيتة والدجاج تخلوها فوك طبقة التمن ثم اديرون باقي التمن فوك البتيته والدجاج يعني صارت الشغلة 3 طوابق تمن دجاج وبتيتة ثم التمن
تبقون الجدر على نار هائة لحد مايستوي .
الرجوع الى أعلى الصفحة اذهب الى الأسفل
https://wkee7eliraq.ahlamontada.com
 
مطبك الدجاج العراقي
الرجوع الى أعلى الصفحة 
صفحة 1 من اصل 1
 مواضيع مماثلة
-
» اصابــــــــع الدجاج
» ثيم للمنتخب العراقي n73
» قصيدة للمنتخب العراقي
» هل من مرحباً الى البطل العراقي؟؟؟؟
» العلم العراقي مقلوب على فانيلة؟

صلاحيات هذا المنتدى:لاتستطيع الرد على المواضيع في هذا المنتدى
www.wkee7eliraq.ace.st :: الاقسام الاجتماعية :: وكاحة الطبخ-
انتقل الى: