www.wkee7eliraq.ace.st

موبايلات..نغمات عراقية.. ثيمات عراقية.. فن...سياحة...غرائب...تسلية...حوارات
 
البوابةالرئيسيةمكتبة الصورالتسجيلدخول

شاطر | 
 

 ليش ما يجي بابا نويل للعراق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ishraq
شخصية هامة < المراقب العام للمنتدى >
شخصية هامة < المراقب العام للمنتدى >
avatar

انثى
عدد الرسائل : 735
sms : My SMS
$post[field5]
تاريخ التسجيل : 01/07/2007

مُساهمةموضوع: ليش ما يجي بابا نويل للعراق   الأحد 14 أكتوبر 2007, 7:48 am

تعرفون ليش "بابا نوئيل" بعد مايجي للعراق


في سؤال وجه الى بابا نؤيل عن نيته لزيارة العراق خلال السنة القادمة ولماذا لم يزر العراق هذه السنة اجاب من منزله بالقطب الشمالي مشكورا

مِثل ماتعرفون إن (بابا نؤيل) رجّال حبّاب، ينطي هدايا للجَهال وللفقراء.. المهم فد يوم (حجي نؤيل) ديباوع بخريطة العالم چان يشوف العراق.. گال: إييييي.. هذولة خطيـّة خلي أساعدهم.. المهم.. نِگر سِلْف للعربانة مالته وچان إطِّيِر الغِزلان مال (بابا نؤيل) وإجه بيها للعراق وبغداد خصوصاً..//خطية شلون اتورط ورطة //

بقى تقريبا ثلاث ساعات يدوّر على بيت بي شجرة مال إكرسمس وماكو.. هناك چان يخبطها بِبريك قوي، حتى الغراض اللي بالعربانة وگعنْ واطّشرنْ... وگام يصيح: لگيت بيت... لگيــت .. نِزل بالسطح وبُقه يدوّر على فتحة مال مدخنة يفوت منها!!.. ماكو.. راد باب مفتوحة !!.. ماكو.. راد شباچ يكسره ويفوت منة؟؟.. مالگة.. لأن كلهة بيهة كتايب.

المهم.. فات من الفتحة مال المبردة وحطْ الهدايا يم الشجرة وطِلع.. أول ما طِلع چان يسمع، صوت واحد يصيّح (حرامي ..حرامي !!!).. وعينكم ما إتشوف الاّ النور.. إشتغلتْ الطلقاتْ والبوكسياتْ وحتى قاذفات وهاونات.. على هالرجّال المسكين.. وهوّه ظل يركض مِن بيت لبيت، ومِن سطح لسطح، ما يعرف شنو الفلم.. عباله صارت حرب.

والتمّت الهمرات والحرس الوطني والشرطة... واحد يگول شفتة لابس حزام ناسف!!.. واحد يگول العربانة مالته مفخخة. هناك چان يچيّت عليه واحد، وكُمشه.. وسحله من لحيتة للمركز طبعا بعد ما شبع كتتل بالطريق.. وبالتحقيق محد صدّگه وكل ما يفك حلگه..يجي راشدي.. وبعدين زينوه صفر وأخذوا موبايلة وچانت بجيبة أربع أوراق ونص هم أخذوهِن.. تالـي طلع بالگوّة، گالو: رجّال چبير.

رجع (بابا نويل) للبيت يلي نِزل بالسطح مالتة لگة العربانة ماكو.. سِئل جاهل گله: شصار من العربانة؟؟... گله الجاهل: الغراض إلي بيهة إتحوسمتْ كلها، سأله (بابا نؤيل): زين الغزلان وكّلتوهن؟؟، گلّة يا غزلان عمي؟؟ هنّة چم حمار وعربانة مكسرة إجو أخذوهن الدوّارة أهل الطحين وراحوا.

وي دكهة الرجّال مشي من بغداد لبيتهم حتى فلوس كيا بجيبه ماكو ..وگال ويه روحه: آني أجي لبغداد بعد!! المهم وهو بطريق الرجعة وما يعرف شيسوي طگت يمة مفخخة چان ينشمر ويوگع بالكاع، وإتبهذل... صفن وگال: وِلكَمْ شكو؟؟.. منو ليش؟؟.. حقة ما يعرف شنو مفخخة.. وگوة فهموا شنو مفخخة.

كمّل مشي الرجّال وبالصدفة.. وهو بطريق الرجعة كمشُوه جماعة.. وأخذوه.. وهمْ عذبوه وگلوله: إنته منين؟؟ سني لو شيعي؟؟ مسيحي لو كردي؟؟.. گاللهم يابا آني (بابا نؤيل).. كللوله: ناصب علينه!!!.. وجوي ديذبحوه، ويةَ مديذبحوه چان تجي الغزلان والعربانة... طلعوا فالتين من بغداد وبالكوة چلّب بيهن وفلت.. المهم هوة عبالة إرتاح وگال: الحمد الله جتّي على هيچ وبس.. بعده ما منَجِّم بالسِما، چان يجيه صاروخ من هذا الحنَيّن ويضرب العربانة وإشتغلت السبعة وخمسين علية ودوشكات... حرگوا الجو حرگ على الرجال المسكين.. المهم هوة مدري شلون إنشمر فوگ غزالة من غزلانه وچلّب بيها وفِلتْ وراح لبيتهم بالقُطب وقدّم استقالة من هاي الشغله..

وهسة هوة كلّش يكره الجهال وما يحب الهدايا وبس يباوع أفلام رعب واشترى مسدسات ورشاشات ويصيح طول اليوم.... ويـن يــروح المطلـوب إلنـة
وشكرا.....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حبيبة بغداد
المديرة العامة للمنتديات
المديرة العامة للمنتديات
avatar

انثى
عدد الرسائل : 1932
البلد : العراق بنص قلبي
العمل : طالبة
مزاجك : رااايق
sms : احبكم كلش وياريت نشاطك وياية بالمنتدى لان ايد وحدة متصفك
تاريخ التسجيل : 30/06/2007

مُساهمةموضوع: رد: ليش ما يجي بابا نويل للعراق   الأحد 14 أكتوبر 2007, 8:32 am

الله يساعدة مسكين
هههههههههههه
بس صدق القصة تتمحور على الاوضاع اللي بالعراق
شكرا حبيبتي

_________________



للاستفسار ارسلولي رسالة خاصة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wkee7eliraq.ahlamontada.com
 
ليش ما يجي بابا نويل للعراق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.wkee7eliraq.ace.st :: المنتديات العامة :: وكاحة المنتدى العام-
انتقل الى: